UFC'нинг 2 чемпиони 2 йил ичида ўзаро 4-марта жанг ўтказади - улар тарих ёзишяпти. Сиз бу сериалдан чарчадингизми?

2020 йилда Стипе Миочич Даниэль Кормье билан трилогияни якунлади. 2021 йилда Дастин Порье Конор Макгрегорга қарши учинчи марта жанг қилди. Дейвисон Фигейредо ва Брендон Моренонинг серияси эса тамомила бошқача: улар кетма-кет уч марта жанг қилишди, лекин интригани сақлаб қолишди (дуранг ва биттадан ғалаба).

Энди Фигейредо ва Морено тарих ёзмоқда: чемпион ва вақтинчалик чемпион тўртинчи бор жанг ўтказишади — UFC'да бундай ҳолат ҳеч қачон кузатилмаган. Улар уччала жангни ҳам АҚШда ўтказишган, аммо энди Бразилияда тўқнаш келишади.

Биринчи жанг - дуранг: Фигейредо шўрвадан заҳарланди, Моренога тақиқланган зарба йўллади, аммо ютқазмади.

Фигейредо ва Морено биринчи марта 2020 йилнинг декабрида тўқнаш келишди. Фигейредо тақиқланган зарба бергани учун очко йўқотди, аммо чемпионлик камарини ўзида сақлаб қолди – кўпчилик ўша жангда дуранг натижа қайд этилганини айтган эди.

Морено учун бу унинг фаолиятидаги иккинчи дуранг: 2019 йилда Аскар Аскаровга қарши баҳс ҳам шундай натижа билан якун топганди. Фигейредо заҳарланиш ҳақида гапирди (унинг менежери шўрва айбдор эканлигини айтди: “Жангда ғалаба қозонганимга ишончим комил эди. Менинг ошқозонимда инфекция бор эди, бу мени кеча соат иккигача касалхонада қолишга мажбур қилди".

Иккинчи жанг - Моренонинг ғалабаси: оғритиш усули ва биринчи чемпионлик

Биринчи тўқнашувдан сўнг Фигейредо соғлиғи билан боғлиқ муаммоларни эслади ва реванш жангида биринчи раунддаёқ Моренони нокаутга учратиб қўйишини айтди. Аммо у оғритиш усули билан ютқазди. Фигейредо икки чемпионлик ҳимоя жангидан сўнг камаридан маҳрум бўлди, Морено эса биринчи марта ўта енгил вазн тоифасида чемпион бўлди.

Учинчи жанг - Фигейредонинг ғалабаси: камарни қайтариш ва тўрт ой уйдан узоқда бўлиш

Фигейредо трештокда давом этди: у Моренони биринчи бўлиб нокаутга туширишга ваъда берди. Морено камарни сақлаб қолиш ҳақида гапирди, лекин ютқазди. Нокаут содир бўлмади: Фигейредо бир овоздан ғалаба қозонди ва камарни қайтарди. Жангдан олдин у тўрт ой давомида оиласини кўрмади, лекин дарҳол Морено билан серияни давом эттиришга рози бўлди - ҳатто Мексикада.

Тўртинчи жанг: ирқчилик айбловлари ва Фигейредо учун рекорд даражадаги гонорар

2020 йилдан бери Фигейредо фақат Моренога қарши курашган. У битта рақибга қарши тайёргарлик кўришдан чарчаганини айтди: “Агар UFC тўртинчи жанг ўтказишни истаса, ўта енгил вазн тоифаси учун тарихий пул тўласин. Мен бир миллион доллар истайман. Менга бу рақам ёқади".

Моренонинг ўзи Фигейредога қарши учта жангдан сўнг занжирни бузди ва Каэм Кара-Франс билан жанг қилди - бу уни вақтинчалик чемпионга айлантирди. Фигейредо UFC иккинчи камар учун ўйнаганидан ғазабланиб, ультиматум қўйди: "Биз Генри Сехудо билан бу дивизионни сақлаб қолдик ва UFC'нинг бу қадамидан сўнг мен қарор қабул қилишга яқин турибман. Бундай ҳолда, мен енгил вазн тоифасига ўтаман".

2022 йил март ойида Фигейредо Морено жамоасини ирқчиликда айблади: "Улар мени маймун деб аташди ва менга маймун юзини фотошоп қилишгача боришди". У Кара-Франсдан рақобатлашишни сўради, яна енгил вазнга ўтиши учун босим ўтказди (бу чорловга Петр Ян жавоб қайтарди) ва гонорарни оширишни сўради.

Морено Фигейредони камарни ўзида сақлаб қолиш мақсадида бошқа рақиб қидираётгани учун қоралади: “Тўртинчи жанг бу қарама-қаршиликни якунлаш учун зарур. Мен дивизионни бузмаслик ва муаммони ҳал қилиш учун курашишга тайёрман".