03 июл 08:26
Янгиликлар

Теннис

"Уимблдон". Бугун Истомин мусобақадаги иштирокини бошлайди

Лондон шаҳрида "Катта Дубулға" туркумига кирувчи "Уимблдон" турнирининг асосий тўр баҳслари давом этмоқда.

Ушбу нуфузли мусобақанинг асосий тўр баҳсларида ягона вакилимиз Денис Истомин ҳам иштирок этади. Мамлакатимизнинг биринчи ракеткаси бугун ўз иштирокини австралиялик Ник Кирьосга қарши учрашув билан бошлайди.

Режага кўра, Истомин - Кирьос баҳси Тошкент вақти билан соат 17:00да бошланиши керак. Айни пайтда Истомин дунё рейтингида 92, Кирьос эса 18-ўринни эгаллаб турибди. Теннисчилар шу кунгача ўзаро икки бор тўқнаш келишган ва ҳар иккала учрашувда австралиялик теннисчининг қўли баланд келган.