03 июл 14:26
Янгиликлар

Теннис

Уимблдон. Циципас Киргиосга ютқазиб қўйди

Дунёнинг бешинчи ракеткаси Стефанос Циципас учун "Уимблдон" турнири якунланди.

Грециялик теннисчи учинчи давра учрашувида ATP рейтингининг роппа-роса 40-поғонасидан бораётган австралиялик Ник Киргиосга имкониятни бой бериб қўйди - 7/6(2), 4/6, 3/6, 6/7(7).

Теннисчилар кортга 3 соату 16 дақиқа ҳаракат қилишган. Циципас баҳс давомида 21 та, Киргиос эса 14 та эйс зарбасини ижро этган. Уларнинг ўзаро учрашувларида Ник олдинда бормоқда - 4:1.

Эътиборга молик жиҳати шундаки, Киргиос 7 йил деганда илк бор "Катта Дубулға" турнирларида Топ-10`таликдан жой олган теннисчини мағлуб эта олди. Ник The Championships турнирининг тўртинчи босқичида Брэндон Накашимага қарши кортга чиқади.