Уимблдон. Дунёнинг олтинчи ракеткасида мағлубият

Дунёнинг олтинчи ракеткаси бўлиб турган Циципас рейтингнинг 89-поғонасидан жой олган италиялик Томас Фаббианога ютқазиб қўйди. Стефанос 3 соату 22 дақиқа давом этган баҳсда 4/6, 6/3, 4/6, 7/6(8), 3/6 ҳисобида имкониятни бой берди. 

Учрашув давомида 20 ёшли грециялик 11 та, 30 ёшли Томас эса бор йўғи битта эйс зарбасини амалга оширди. Ўзаро учрашувларда Циципас 2:1 ҳисобида олдинда бормоқда. Фаббиано иккинчи босқичда Иво Карловичга қарши кортга чиқади. Хорватиялик теннисчи биинчи даврада италиялик Андреа Арнабольдини енгди - 6/4, 6/4, 7/6(4).