"Уимблдон" финалчиси Netflix'нинг ҳужжатли филмида суратга тушади

Унинг юлдузи "Уимблдон-2022" финалчиси, австралиялик теннисчи Ник Киргиос бўлади, дея хабар беради Herald Sun шарҳловчиси Фиона Бёрн.

Ҳужжатли филмнинг қачон чиқиши ҳали номаълум, аммо бу 2023 йилда содир бўлиши тахмин қилинмоқда. Кўплаб кадрлар аллақачон суратга олинган. Қайд этилишича, Киргиос Netflix учун катта аҳамиятга эга, чунки кўплаб томошабинлар истеъдодли, олдиндан айтиб бўлмайдиган ва эксцентрик теннисчини кортда ва ундан ташқарида томоша қилишга қизиқишади.

Британиянинг The Sun нашри қўшимча қилишича, сериалнинг муҳим қисми июль ойида якунланган "Уимблдон-2022"да Киргиоснинг йўлини акс эттирилади. Ушбу қисмлар машҳур Netflix ва Формула-1 продюсерлари томонидан ишлаб чиқарилмоқда. "Survival drive" ҳужжатли филмни суратга олиш билан шуғулланади. 

Эслатиб ўтамиз, "Уимблдон"нинг ҳал қилувчи ўйинида Киргиос сербиялик Новак Жоковичга тўрт сетда мағлуб бўлганди - 6/4, 3/6, 4/6, 6/7 (3/7). 27 ёшли Киргиоснинг карьерасида бу яккалик баҳсларида "Катта Дубулға"нинг биринчи финали бўлди.