10 июл 08:23
Янгиликлар

Теннис

Уимблдон. Жокович чорак финалга чиқди

Лондон шаҳрида ўтказилаётган "Катта Дубулға" туркумига кирувчи Уимблдон турнири ўзининг қизғин палласига кириб боряпти.

Дунёнинг собиқ биринчи ракеткаси, айни пайтда ATP рейтингида 21-ўринни эгаллаб турган Новак Жокович нимчорак финал учрашувида осон ғалабага эришди. Сербиялик теннисчи 1 соату 45 дақиқа давом этган баҳсда россиялик Карен Хачановни 6:4, 6:2, 6:2 ҳисобида мағлуб этди.

Йигирма икки ёшли Хачанов рейтингда роппа-роса 40-поғонадан жой олган. Энди 31 ёшли Жокович ярим финал чиптаси учун япониялик Кеи Нишикорига қарши кортга чиқади.