18 мар 09:27
Янгиликлар

Бокс/ММА

Украиналик таниқли боксчи ЙТҲ натижасида вафот этди

Кеча Киев вилоятида даҳшатли йўл транспорт ҳодисаси рўй берди.

Новообуховск трассаси чорраҳасида бир-бирига қарама-қарши йўналишда келаётган Audi ва Daewoo Lanos енгил машиналари тўқнашган.

Бунинг натижасида Daewoo Lanos ҳайдовчиси ва йўловчи воқеа жойининг ўзида вафот этган. Ҳаётдан кўз юмганлардан бири украиналик таниқли боксчи Дмитрий Лисовой бўлган. Бу маълумот Украина бокс федерациясининг facebook расмий саҳифасида ҳам ўз тасдиғини топди.

Маълумот учун, Дмитрий Лисовой кўп карра Украина чемпионати ғолиб ва совриндори ҳисобланарди. У -91 кг вазн тоифасида "Украина атаманлари" жамоаси шарафини ҳимоя қилган.