Украинанинг таркиби маълум, Белодед Диёранинг вазнида дебют қилади

Эртага старт оладиган Венгрия "Катта Дубулға" турнирида Украина терма жамоасининг 11 нафар дзюдочиси (6 эркак, 5 аёл) татамига чиқади. Икки карра жаҳон чемпиони, дунёнинг энг ёш жаҳон чемпиони ҳисобланган Дарья Белодед янги вазн тоифасида дебют қилади. 48 кг вазнда жаҳон чемпиони бўлган Дарья энди 52 кг вазнда ўзини синаб кўради. Бу вазнда юртимиз шарафини кадетлар ўртасида жаҳон чемпиони Диёра Келдиёрова ҳимоя қилади. 

Ушбу вазн тоифасида жами 26 нафар дзюдочи иштирок этади. Белодед 25-рақам остида таснифланди. Франциялик Аманди Бушар дунё рейтингида иккинчи, Будапешт турнирида эса биринчи рақам остида сараланган. 

Украина терма жамоаси таркиби:

Эркаклар: 

-60 кг: Артем Лесюк

-66 кг: Богдан Ядов 

-90 кг: Кеджау Ньябали, Виталий Шепель 

-100 кг: Антон Савицкий, Даниил Гуцол 

Аёллар: 

-52 кг: Дарья Белодед 

-57 кг: Мария Скорая, Алла Радченко 

-78 кг: Анастасия Турчин 

+78 кг: Елизавета Каланина