Улан-Батор "Катта Дубулға". Умумжамоа ҳисобида 5-ўриндамиз + Жадвал

Бугунги баҳсларда Гулноза Матниязова (-70 кг) ва Обидхон Номонов (-73 кг) терма жамоамизга 2 та бронза медалини тақдим этишди. Икки кунлик баҳслар якунига кўра Ўзбекистон терма жамоаси 1 та олтин, 2 та бронза медали билан 30 давлат орасида 5-ўринни эгаллаб турибмиз. 

Кутилганидек, Япония терма жамоаси медаллар жамғариш бўйича пешқадам. Дзюдо ватани вакиллари ҳисобида 3 та олтин, 1 та кумуш, 1 та бронза медали бор. Мезбонлар 2 та олтин, 3 та кумуш, 4 та бронза медали билан иккинчи ўринни банд этишган бўлса, кучли учликка мусобақада IJF байроғи остида қатнашаётган россиялик дзюдочилар 2 тадан олтин, кумуш ва бронза медаллари билан якун ясашган. Жанубий Корея терма жамоаси 1 та олтин ва 3 та бронза медали билан 4-поғонага жойлашган.