"Улар шунчаки аҳмоқлар". О'Мелли UFC ҳакамларини танқид қилди

Унинг бразилиялик Педро Муньосга қарши жангида ҳакамлар биринчи раундда айнан Муньоснинг ғалабасини қайд этишганди. 

"Ҳакамлар менга зарба беришга уриниб кўришсин, улар бу қанчалик оғир эканлигини тушуниб олишади. Педро ҳар сафар менга зарба берганида, у мендан кўра ўзига кўпроқ оғриқ етказди. Бу кўриниб турганди. 

Ҳакамлар шунчаки аҳмоқ. Ростан, шунчаки аҳмоқ. Улар қайси жангни кўришди? Мени хеч ким ургани йўқ. Қандай қилиб раундни унга бериб юбориш мумкин? Бундан хеч қандай маъно йўқ", - деди O'Мелли. 

Эслатиб ўтамиз, ушбу жанг иккинчи раундда тўхтатилди. О'Мелли иккинчи раундда рақибининг кўзига қўлини тиқиб олганди. Шундан сўнг, баҳс ўтказилмаган деб ҳисобланди.