24 мар 09:14
Янгиликлар

Бокс/ММА

Умар Нурмагомедов: "Антидопинг борлигидан хурсандман, акс ҳолда Менделеев жадвали билан курашардик" (+ФОТО)

Ўта енгил вазнда UFC чемпионлиги учун собиқ даъвогар Умар Нурмагомедов Америка промоушенидаги антидопинг назорати тизими ҳақида гапирди.

"Антидопинг борлигидан жуда хурсандман. Рақибдан ташқари Менделеев жадвали билан ҳам жанг қилишга тўғри келмайди. Акс ҳолда жадвалдаги барча моддалар билан жанг қилишга тўғри келар эди", - деб ёзди Нурмагомедов Х тармоғидаги саҳифасида.

Россиялик аралаш яккакураш устаси сўнгги бор октагонга шу йилнинг январь ойида UFC 324 турнирида чиққан ва ҳакамларнинг якдил қарори билан Дэйвисон Фигередони мағлуб этганди. Нурмагомедов ҳисобида 20 та ғалаба ва битта мағлубият бор. Унинг UFC’даги дебюти 2021 йилнинг январида бўлиб ўтган - ўшанда у Қозоғистон вакили Сергей Морозовни муддатидан олдин таслим этганди.