"Умуман муаммо йўқ". Оливейра Жастин Гэтжига учта камар учун жанг таклиф қилди

"Мен айнан шуни айтдим: унинг қочадиган жойи йўқ. Шунингдек, мен иккита камар ҳақида гапирган эдим, интернетда эса дарҳол: "Иккита эмас, учта! Оқ уй камари, енгил вазн титули ва BMF камари", деган гаплар бошланди. Хўш, унда келинг, учаласини ҳам ўртага тикамиз. Мен учун умуман муаммо йўқ", — деди Оливейра Olhar da Luta YouTube каналига берган интервьюсида.

Маълумот учун, Оливейра ва Гэтжи 2022 йил UFC 274 турнирида тўқнаш келишган. Ўшанда бразилиялик спортчи биринчи раунддаёқ сабмишен эвазига ғалаба қозонган, бироқ кейинчалик вазн билан боғлиқ муаммолар туфайли титулдан маҳрум этилганди. Гэтжи эса июнь ойида UFC Freedom 250 турнирида Илия Топурияни мағлуб этиб, енгил вазн тоифасида чемпион бўлди. Оливейра март ойида UFC 326 турнирида Макс Холлоуэйни мағлуб этиб, BMF камарини қўлга киритган эди.