Умумжамоа ҳисобида АҚШ пешқадам, терма жамоамиз 30-ўринда!

Кечаги мусобақалардан сўнг АҚШ терма жамоасининг умумий медаллари сони 84тага етди. Эътиборлиси, шулардан 28таси олтин, 28таси кумуш, 28таси бронза медалларидир. Иккинчи ўринни Буюк Британия терма жамоаси банд этган. Уларнинг умумий медаллар сони роппа-роса 50тага етди. Шулардан олтин медаллар сони 19тани ташкил қилади. Шунча кумуш ва 12та бронза медали ҳам бор.

Хитой терма жамоаси учинчи ўриндан жой олган. Чин юрти жамоаси 17та олтин, 15та кумуш, 19та бронза медалини қўлга киритган. Шу кунгача 53та давлат терма жамоалари камида бир нафар Олимпиада чемпионига эга бўлиб улгурган. Олтмиш бешта терма жамоа ҳисобида эса камида биттадан кумуш медал бор. Етмиш олтита мамлакат терма жамоаси эса камида биттадан бронза медалига эга бўлиб турибди.

МЕДАЛЛАР ЖАМҒАРИШ. ТОП-10

1. АҚШ – 84 (28-28-28)

2. Буюк Британия – 50 (19-19-12)

3. Хитой – 51 (17-15-19)

4. Россия – 38 (12-12-14)

5. Германия – 26 (11-8-7)

6. Италия – 23 (8-9-6)

7. Голландия – 14 (8-3-3)

8. Франция – 29 (7-11-11)

9. Австралия – 24 (7-8-9)

10. Япония – 29 (7-4-18)...

... 30. ЎЗБЕКИСТОН – 6 (2-0-4)