06 авг 15:08
Янгиликлар
Теннис
US Open 2015 вице-чемпионининг совринлари ўғирлаб кетилди
Номаълум кимсалар италиялик теннисчи, “Катта Дубулға” туркумига кирувчи US Open 2015 турнири вице-чемпиони Роберта Винчининг совринларини ўғирлаб кетишди.
Винчининг хабар беришича, номаълум кишилар унинг уйидан фаолияти мобайнида қўлга киритган совринларни ўғирлаб кетишган.
“Бир неча кун аввал Тарантодаги уйимга ўғрилар тушди. Босқинчилар нафақат қимматбаҳо буюмлар, балки турли йилларда қўлга киритган совринларимни ҳам олиб кетишган.
Бу кубок ва совринлар мен учун жуда ҳам қадрли эди. Улар ҳар кўрганимда менга кўп йиллик меҳнатимни эслатиб турарди. Ким бу ишни қилган бўлса ҳам пасткашликдан ўзга нарса эмас”, – деди Винчи Instagram тармоғидаги саҳифасида.
Маълумот учун, 34 ёшли Винчи WTA таснифидаги турнирларнинг яккалик баҳсларида 10, жуфтликда эса 25 та титулни қўлга киритган эди. Айни пайтда у дунё рейтингида 37-ўринни эгаллаб турибди.
Ҳавола :
Манба : isport.ua
Фикрлар