08 сен 14:02
Янгиликлар
Теннис
US Open. Феликс Оже 1/2 финалга чиқди
"Катта Дубулға" туркумига кирувчи мавсумнинг сўнгги турнири US Open ўзининг ҳал қилувчи палласига кирди.
АҚШ Очиқ чемпионатининг 1/4 финалида канадалик теннисчи Феликс Оже испаниялик Карлос Алькаразга қарши кортга чиқди. Учрашув Оже фойдасига 6/3, 3/1 ҳисобида хал бўлаётганда Карлос Алькараз ўйинни давом эттиролмаслигини билдирди. Карлоснинг бу қарорга келишига жароҳати сабаб бўлган. Шу тариқа Оже US Open'нинг навбатдаги ярим финалчисига айланди.
Теннисчилар кортда 1 соату 9 дақиқа давомида ҳаракат қилишди. Жаҳоннинг 15-ракеткаси 21 ёшли Феликс саккиз эйсни амалга ошириб, тўрт марта қўшхатога йўл қўйди. ATP рейтингида 55-ўринни эгаллаб турган 18 ёшли Алькараз эса биттадан эйс ва қўшхатони қайд этди. Бу теннисчиларнинг ўзаро ўтказган илк учрашуви эди.
Турнирнинг 1/2 финалида Оже россиялик Даниил Медведев билан тўқнаш келади.
Ҳавола :
Манба : Gotennis.ru
Фикрлар