31 авг 17:29
Янгиликлар

Теннис

US Open. Майя 132-ракеткага ютқазиб қўйди

Дунёнинг 19-ракеткаси Беатрис Хаддад Майя АҚШ Очиқ чемпионатидаги иштирокини муддатидан анча аввал якунлади.

Бразилиялик теннисчи кутилмаганда US Open турнирининг иккинчи даврасида WTA рейтингининг 132-поғонасида бораётган америкалик Тэйлор Таунсендга имкониятни бой бериб қўйди - 6/7(1), 5/7.

Тэйлор теннисчиларнинг ўзаро иккинчи учрашувида ҳам номдор рақибасини мағлуб этишнинг уддасидан чиқди. Икки соату 4 дақиқа давом этган баҳсда иккала теннисчи ҳам 5 тадан эйс зарбасини амалга оширган. Хаддад Майя 4, Таунсенд 2 та қўшхатога йўл қўйган. Энди Таусенд учинчи босқич учрашувида чехиялик Каролина Муховага қарши кортга чиқади.