07 сен 09:16
Янгиликлар

Теннис

US Open. Япониялик теннисчи иккинчи финалчига айланди

Хабар берганимиздек, шу кунларда АҚШнинг Нью-Йорк шаҳрида теннис бўйича US Open турнири давом этмоқда.

Хотин-қиз теннисчилар ўртасидаги мусобақанинг иккинчи финалчиси ҳам аниқланди. Ярим финалнинг иккинчи жуфтлигида япониялик Наоми Осака америкалик Мэдисон Кизга қарши кортга чиқди.

Бир соату 28 дақиқа давом этган баҳсда дунё рейтингида 19-ўринни эгаллаб турган Осака WTAнинг 14-ракеткасини 6:2, 6:4 ҳисобида мағлуб этди. Энди у бош мукофот учун учрашувда бошқа бир мезбон теннисчи Серена Уильямсга қарши баҳс олиб боради.