26 авг 10:20
Янгиликлар
Теннис
"US Open"га қуръа ташланди, Истоминнинг рақиби маълум
28-август - 10-сентябрь кунлари АҚШда "Улкан тож" туркумига кирувчи "US Open" турнири старт олади.
Ўзбекистоннинг биринчи рақамли теннисчиси Денис Истомин АҚШ Очиқ чемпионатининг биринчи турида кимга қарши ўйнаши маълум бўлди.
Қуръа натижаларига кўра, Истомин биринчи босқичда испаниялик Альберт Рамос-Виноласга қарши ўйнайдиган бўлди.
Маълумот учун, Альберт Рамос-Винолас бугунги кунда дунё рейтингида 24-ўринни эгаллаб турибди. Истомин эса 85-поғонадан жой олган. Томонлар бунгача бир маротаба ўзаро тўқнаш келганлар. 2015 йилда бўлиб ўтган "Уимблдон" турнирида Денис ўйин вақтида жароҳат олган ва баҳсни охирига етказа олмаганди.
Агар Истомин ушбу ўйинда ғалаба қозона олса навбатдаги босқичда Маю - Фучович жуфтлиги ғолибига қарши кортга чиқади.
Ҳавола :
Манба : olamsport.com
Фикрлар