Усик супероғир вазн тоифасидаги илк жангини кимга қарши ўтказиши мумкинлиги айтилди

"Усик Диллиан Уайт ёки Дерек Чисорадан бирига қарши рингга кўтарилади. Ўйлайманки, Александр апрель ойида Америкада супероғир вазн тоифасида дебют қилади. Усик янги вазнда қандай натижа кўрсатишини хеч ким билмайди", - деди Хирн.

Эслатиб ўтамиз, Усик июль ойида Мурат Гассиевни мағлубиятга учратиб, биринчи оғир вазн тоифасининг мутлоқ чемпионига айланганди. Ноябрь ойида эса у британиялик Тони Бельюни нокаутга учратди.

Энди у барча камарларни вакантга қолдириб, супероғир вазн тоифасига ўтишни режалаштирмоқда.