30 июн 09:13
Янгиликлар

Бокс/ММА

Усик ва Жошуа Лондонда юзма-юз келишди + ФОТО

Супероғир вазн тоифасидаги реванш жанги қаҳрамонлари энди Лондон шаҳрида ташкил этилган турда ўзаро тўқнаш келишди.

Украиналик жаҳон чемпиони Александр Усик (19-0, 13 KO) ҳамда британиялик даъвогар Энтони Жошуа (24-2, 22 KO) ўртасидаги реванш жанги 20 август куни Саудия Арабистонида бўлиб ўтади.

Бўлажак жанг олдидан илк промоутерлик тур реванш ўтказилувчи Жидда шаҳрида бўлиб ўтган эди. Кеча эса боксчилар Лондон шаҳрида ўзаро юзма-юз келишди.

"20 август", – дея қисқа изоҳ билан ўзининг ижтимоий тармоқдаги сахифасида хабар қолдирган Усик.

Эслатиб ўтамиз, боксчилар ўртасидаги илк жанг 2021 йилнинг октябрь ойида Ноттингем (Буюк Британия) шаҳрида ўтказилган ва унда Александр Усик Жошуани 117-112, 115-113, 116-112) ҳисобида мағлуб этганди. Ушбу ғалаба сабаб у Энтонига тегишли WBA Super, IBF ва WBO камарларини тортиб олган эди.