Усик ва Жошуа реванш жангининг расмий эълон қилинишига муносабат билдирди

Узоқ кутилган жанг 20 август куни Жидда (Саудия Арабистони) шаҳрида бўлиб ўтади. Украина ва британиялик боксчилар расмий жанг санаси эълон қилинганига ўз муносабатларини билдиришди.  

"Менинг супероғир вазн тоифаси чемпионлиги учун кечадиган 12-жангим! Камарни қўлга киритдим, кейин уларни бирлаштирдим. Сўнг уларни йўқотдим. Кейин яна мутлақ жаҳон чемпиони бўлдим. Ҳозир эса уч карра жаҳон чемпиони бўладиган санамни билиб олдим. Қандай имконият!" – дея хурсандчилигини ифода этган Жошуа.

"Менинг ўз мақсадим бор ва Яратганнинг инояти билан миссияни бажаряпман", – дея қисқагина изоҳ берган Усик.

Эслатиб ўтамиз, бу икки боксчининг илк жанги ўтган йилнинг сентябрь ойида Тоттенхэмда (Буюк Британия) ўтказилган бўлиб, ўшанда украиналик ҳакамларнинг якдил қарори (117-112, 115-113, 116-112) билан ғалаба қозонган эди.