"Усман — Махачев учун энг хавфли рақиб" - UFC собиқ жангчиси

"Камару Усман — Махачевга жиддий қаршилик кўрсата оладиган жангчи. Бунга ишонаман, чунки ўзим у билан жанг қилганман. Кураш — унинг энг кучли томони, чунки у фаолиятини айнан шу йўналишдан бошлаган. Бу — унинг базаси. Грэпплинг жиҳатидан Усман жуда оғир рақиб.

Менимча, ярим ўрта вазнда Махачев учун энг хавфли жанг айнан Усманга қарши бўлади. Бу рақиблик даражаси нуқтаи назаридан жуда жиддий сакраш. Жек Делла Маддаленанинг қўллари ростердаги энг яхшиларидан, курашдан ҳимояси ҳам ёмон эмас. Аммо ҳимоя бўйича у Усмандан анча паст.

Усман курашда ҳимояланишни энг юқори даражада билади. Бу Махачев учун энг оғир жанглардан бири бўлиши мумкин ва мен Ислам бундай хатарга боришни исташига ишонмайман", - деди Масвидаль.