09 дек 10:59
Янгиликлар

Бокс/ММА

Валентина Шевченко енгил вазнда илк UFC чемпионига айланди

Бундан бир неча дақиқа аввал Канадада аралаш қоидалар бўйича UFC 231 турнири якунланди.

Оқшомнинг қизиқарли жангларидан бири енгил - 56,7 кг вазн тоифасида ўтказилди. Унда қирғизистонлик Валентина Шевченко ҳамда польшалик Йоанна Енжейчик ўзаро октагонда тўқнаш келишди.

Беш раундга мўлжалланган чемпионлик жанги ғолибаси очколар ҳисобига кўра аниқланди. Уччала ҳакам ҳам якунда 49-46 ҳисобидаги ғалабани қирғизистонлик спортчига тақдим этишди. Бу билан Шевченко енгил (56,7 кг) вазн тоифасининг илк UFC чемпионига айланди.