04 май 17:59
Янгиликлар

Бокс/ММА

Валуев нима учун Кличко билан гаплашмай қўйгани ҳақида гапирди

Россиялик собиқ жаҳон чемпиони Николай Валуев нима учун украиналик бокс юлдузи Виталий Кличко билан гаплашмай қўйганини айтди.

Унинг сўзларига кўра, боксчилар 2014 йилдан буён гаплашишмайди. Бу ўзгарган сиёсат билан боғлиқ. Валуевга 2010 йилги жанг бекор қилинганидан сўнг улар ўзаро мулоқот қилишганлиги ҳақида савол беришди.

"Жуда кам. Айниқса, 2014 йилдан сўнг. Биз спорт ҳақида гаплашяпмиз. Лекин умумий оладиган бўлсак, менга ўшанда Украинада бўлган ишлар ёқмаганди. Ҳалиям шундай ҳисоблайман. Бу ўзаро мулоқотларнинг тўхтатилишига сабаб бўлган.

Лекин у билан учрашганимизда гаплашиш учун мавзулар етарлича топиларди. Чунки, қаерда бўлмайлик спорт олами бизни бирлаштиради", - деди Валуев.