08 мар 16:16
Янгиликлар

Бокс/ММА

Василий Ломаченко ярим енгил вазнга қайтишга тайёр

Енгил вазн тоифасида WBA ва WBO йўналишлари чемпиони Василий Ломаченко режалари билан ўртоқлашди.

Украиналик жаҳон чемпиони ярим енгил вазн тоифасига қайтишга тайёр эканлигини маълум қилди.

“Асосий мақсадим енгил вазндаги барча чемпионлик камарларини ўзимда бирлаштириш. Вазнимни кўтарганим - бу менинг мутлоқ жаҳон чемпиони бўлиш истагида эканлигимни англатади. Ярим ўрта вазнга қайтиш ниятида эмасман. Ёшим ҳам 20 эмас, 31! Ўзимни енгил ва ярим енгил вазнда яхши хис қиляпман. Промоутерларимдан чемпионлик жангларини кутяпман”, - деди Ломаченко.

Эслатиб ўтамиз, Василий Ломаченко 12 апрель куни АҚШнинг Калифорния штати Лос-Анжелес шаҳрида Энтони Кроллага қарши бирлаштирувчи чемпионлик жангида рингга кўтарилади.