16 янв 11:34
Янгиликлар
Теннис
ВИДЕО Паула Бадоса - Сидней турнири чемпиони!
Австралиянинг Сидней шаҳрида ўтказилган WTA таснифига кирувчи турнир ўз нихоясига етди.
WТА рейтингида тўққизинчи ўринни эгаллаб турган Паула Бадоса мусобақа финалида жаҳоннинг тўртинчи ракеткаси Барбора Крейчиковага қарши кортга чиқди.
Икки соату 24 дақиқа давом этган учрашувда испаниялик теннисчи Бадоса чехиялик Крейчиковани 6/3, 4/6, 7/6 ҳисобида мағлуб этиб, чемпионликни қўлга киритди. Ўзаро учрашувларда Бадоса 3:0 ҳисобида олдинда бормоқда.
Бу соврин Бадоса учун фаолиятидаги учинчиси бўлиб, чемпионлик унга 108 000 доллар мукофот пули ҳамда 470 рейтинг очкосини келтирди. Крейчикова эса Сиднейдаги бир ҳафталик иштирокидан 305 очко ва 66 800 доллар ишлаб олди.
Ҳавола :
Манба : gotennis
Фикрлар