ВИДЕО. Яна бир ўзбек-қозоқ қарама-қаршилиги — Дониёр Қаюмов қозоқ ММАчисини жангга чорлади

Ўзбекистонлик блогер Дониёр Қаюмов Octagon 37 мусобақасида Магеррам Ахмедов (0-2) устидан ғалаба қозонган қозоғистонлик Асилхан Толепов (1-0)ни жангга чорлади.

Асилхан Толепов учун бу фаолиятидаги дебют жанг эди. У кино ва театр актёри ҳисобланади.

Қозоғистонлик актёр/жангчи ҳамютимизнинг чорловини қабул қилди, ва унга "қозоқларнинг ким эканини кўрсатиб қўйиши"ни айтиб жавоб қайтарди.

"Бу йигит қаердан чиққанини, октагонга қаердан кириб кетганини билмайман. Аввало, Қозоғистонга хуш келдинг. Мен ҳеч кимни жангга чорламайман, аммо менга ташлашса, қабул қиламан. Ҳозир урушамиз десанг, ҳозир урушаман. Мен сенга қозоқнинг ким эканини кўрсатиб қўяман. Нураддин оға (Octagon лигаси менежери) ҳар қандай жойда, Ўзбекистондами бошқа жойдами, чорловни қабул қиламан. Ким билан қўйишингиздан қатъий назар октагонга чиқаман", - деб айтиб ўтган қозоғистонлик актёр/жангчи.