Висенте Луке UFC Fight Night 261 турниридаги рақиби ўзгарди

Оқшом доирасида яримўрта вазн тоифаси вакили бразилиялик Висенте Луке Сантьяго Понзиниббиога қарши октагонга чиқиши керак эди. Лекин Сантьяго жароҳат сабаб сафдан чиқди. Энди унинг ўрнини енгил вазнда жанг қилиб келган испаниялик Йоэль Альварес эгаллайди. У яримўрта вазнда дебют қилади.  

Маълумот учун, 33 ёшли Висенте Луке сўнгги уч йилдан бери ғалаба ва мағлубиятни алмаштириб келмоқда. Сўнгги жангини июнь ойида Кевин Холландга қарши ўтказиб, муддатидан олдин мағлуб бўлганди.

32 ёшли Йоэль Альварес эса аксинча, муддатидан аввал қўлга киритилган учта ғалабали серия билан келмоқда. У Марк Диакезини бўғиш, Элвис Бренер ва Драккар Клозени нокаут эвазига таслим этган эди. "Феномен" сўнгги мағлубиятини 2022 йилнинг февраль ойида Арман Царукяндан қабул қилиб олганди. Айни пайтда ҳар икки жангчи ҳам ўз дивизионларида Топ-15 рейтингидан жой олмаган.