Волкановски Ислам Махачевни UFC тарихидаги энг буюк жангчилар Топ-5 рўйхатига киритдими?

"UFC тарихидаги топ-5 жангчими? Ростини айтаман: Деметриус Жонсон. У неча марта чемпионлик жангларида ғалаба қозонганини ҳам билмайман. Одамлар енгил вазнларда рақобат қанчалик юқори эканини тушунишмайди. Энг кучли жангчилар айнан шу вазнларда чиқиш қилади. Кейин Жорж Сен-Пьер. 

Яна ким? Менимча, Ислам Махачев бу рўйхатга кириш учун етарлича иш қилди. Балки менда бироз субъективлик бордир, лекин Исраэль Адесаньяни ҳам қўшган бўлардим. У кимларни мағлуб этганини эслаб кўринг — Роберт Уиттакерни унинг энг яхши пайтларида икки марта енгган. Албатта, Андерсон Силва ҳам бор, у ҳам ажойиб натижаларга эришган, ва албатта, даврни ҳам ҳисобга олиш керак", — деди Волкановски MMA Mania’га.