Волкановски Перейра - Адесанья реванш жангига тахмин билдирди

"Менимча, бу сафар жанг эртароқ тугайди", - дея гапларини бошлади австралиялик "Sky Sports" нашрига берган интервьюсида, - Иззи бу сафар учинчи раунддаёқ "ўйин"ни тугатиб қўяди. Нима сабабдан учинчи раунд деяпман, билмайман, бу шунчаки менинг танловим. 

Тўғриси, унинг ўйинни эрта тугатишига ишонаман ва буни сабрсизлик билан кутаман. Табиийки, буни амалда исботлаш ҳам керак. Жангга тўғри режа танланса, барча ишлар яхши бўлиб кетади ва умид қиламанки, бу ғалаба унга катта хотиралар тақдим этади".

Алекс Перейра ҳамда Исраэль Адесанья ўртасидаги реванш жанги 8 апрель куни Майамида ўтказиладиган UFC 287 турнирининг асосий "безагига" айланади. Адесанья эса ўз интервьюсида "қонли ҳаммом" уюштиришни истаётганини айтиб ўтганди.

Эслатиб ўтамиз, ўтган йилнинг ноябрь ойида бразилиялик жангчи Исраэлдан камарни тортиб олганди.