Волкановски UFC чемпионлик камарини қачон ҳимоя қилишини айтди

"Ҳали навбатдаги рақибим исм-шарифини билмайман. Аммо шу йилнинг август ёки сентябрь ойларида ярим енгил вазн тоифасида UFC чемпионлик камаримни ҳимоя қилишни режалаштиряпман. Жанг ҳали тайинланмаган, лекин UFC`га айнан август-сентябрь ойларига, тахминан шу муддатларда қайтишга тайёр бўлишимни айтдим. Умид қиламанки, тез орада жанг тайинланади ва сиз ҳаммасини билиб оласиз. Бизда кўплаб муносиб йигитлар бор - Мовсар Евлоев, Алжамейн Стерлинг, Сильва... UFC`да кимни менга қарши қўйишга қарор қилишса, мен тайёрман. Биринчи рақамли даъвогарлар билан жанг қилиш чемпион сифатида менинг вазифам ва буни ҳамма эслаб қолади. Мен мана шундай чемпион бўлишни хоҳлайман", - деди австралиялик чемпион Пертдаги савол-жавоб сессиясида.

Ярим енгил вазн тоифасидаги чемпионлик жанги учун энг эҳтимолий номзод мағлубиятсиз россиялик Мовсар Евлоев бўлиб турибди. У ташкилотда 10 та ғалабадан иборат серияда бормоқда ҳамда дивизион рейтингида биринчи ўринни эгаллаб турибди.