Воқеалар жиддий тус оляпти: Саидёқуб ва Умар даҳанаки жангни тўхтатмаяпти

Энг енгил вазнда ўзбекистонлик UFC жангчиси Саидёқуб Қаҳрамонов (10-3) россиялик Умар Нурмагомедовнинг (16-0) гапларига жавоб қайтарди.

Аввалроқ, Умар Нурмагомедов Саидёқуб ҳақида фикр билдирар экан, "Ҳар қандай жангчига қарши тайёрман, ҳатто уларни аввал мағлуб этган бўлсам ҳам", - деб ёзган эди.

Саидёқубнинг жавоби ҳам кўп куттирмади:

"Ўз одамларингга айт, одамларим билан боғлинишсин. Кел, буни амалга оширамиз", - дея Умарнинг гапларига жавоб қайтарган ҳамюртимиз.

Қаҳрамонов сўнгги бор 2022 йилнинг 18 декабрь куни Лас-Вегас шаҳри (АҚШ)да ташкил этилган UFC Fight Night мусобақаси доирасида россиялик Саид Нурмагомедовга (17-2) қарши октагонга кўтарилиб, сабмишен эвазига мағлуб бўлган эди.

Умар Нурмагомедов эса охирги жангини 14 январь куни Лас-Вегас (АҚШ)да ўтказилган UFC Fight Night турнирида бразилиялик Раони Барсельосга (17-4) қарши ўтказиб, техник нокаут билан ғалаба қозонганди.

Икки жангчи 2018 йилда PFL лигасида ўзаро тўқнаш келишган. Ўша жангда Умар Нурмагомедов ҳакамлар қарори билан ҳамюртимизни мағлуб этган эди.