“W15 Shymkent”. 3 нафар теннисчимиздан муваффақиятсиз иштирок

Мусобақада бугун 3 нафар тенисчимиз ўз ўйинларини ўтказди.

Турнирда 1-рақам остида сараланган теннисчимиз Сабина Шарипова россиялик Валерия Оляновскаяга қарши кортга чиқди. 1 соату 32 дақиқа давом этган учрашувда Шарипова биринчи сетни 2/6 ҳисобида бой бериб қўйди. 2-сетда ҳисоб 2/2 бўлиб турганда Сабина ўйинни охиригача давом эттиролмаслигини билдирди ва россиялик теннисчи кейинги босқичга йўл олди.  

Шунингдек, яна бир вакилимиз Лариса Бекметова мезбонлар вакиласи Екатерина Дмитриченкога қарши ўйин ўтказди. 1 соату 41 дақиқа давом этган учрашувда афсуски, Лариса 2/6, 4/6 ҳисобида ютқазиб қўйди ва мусобақани тарк этди. 

Мусобақада иштирок этаётган теннисчиларимиздан яна бири Милана Масленкова россиялик теннисчи Алина Силич билан тўқнаш келди. Учрашув 1 соату 40 дақиқа давом этди. Афсуски, Милана 2 сетда рақибасига 5/7, 1/6 ҳисобида имкониятни бой бериб қўйди.