WBA рейтинги ҳам янгиланди: Икки боксчимиз ўз вазн пешқадамлари. Дўсматов кўтарилди

Ўтган ойда бўлгани сингари баҳор фаслининг илк ойида ҳам рейтингдан 8 нафар ўзбекистонлик боксчи ўрин олди. Ўз вазнларида чемпионлик камарига мажбурий даъвогарлар Шаҳрам Ғиёсов ва Бектемир Мелиқўзиев пешқадамликни сақлаб қолди. Ҳасанбой Дўсматов бир поғонага юқорилаган бўлса, Отабек Холматов аксинча, пастлади. 

Боксчиларимизнинг WBA рейтингидаги ўрни:

Ҳасанбой Дўсматов (минимал вазн) - бир поғонага юқорилаб, 6-ўринга жойлашди (чемпион - Рафаэль Рикардо);

Муҳаммад Шехов (биринчи ярим енгил вазн) - 3-ўринда қолди (чемпион - Наоя Иноуэ);

Муроджон Аҳмадалиев (биринчи ярим енгил вазн) - 4-ўринда қолди (чемпион - Наоя Иноуэ);

Отабек Холматов (ярим енгил вазн) - бир поғонага пастлаб, 4-ўринга тушди (чемпион - Брендон Фигуэро);

Сирочбек Исмоилов (енгил вазн) - 15-ўринда қолди (чемпион - Жервонта Дэвис);

Шаҳрам Ғиёсов (ярим ўрта вазн) - 1-ўринда қолди (чемпион - Роландо Ромеро);

Исроил Мадримов (супер ярим ўрта вазн) - 6-ўринда қолди (чемпион - Ксандер Заяс);

Бектемир Мелиқўзиев (супер ўрта вазн) - 1-ўринда қолди (чемпион - Хосе Армандо Ресендис).