21 июл 08:23
Янгиликлар

Бокс/ММА

WBC камари учун Диллиан Уайт ва Оскар Ривас ўртасидаги жанг бўлиб ўтди

Буюк Британиянинг Лондон шаҳридаги О2 аренасида профессионал бокс кечаси ўтказилди.

Оқшомнинг марказий жанги супероғир вазн тоифасида вақтинчалик WBC чемпионлик камари учун кечди. Унда британиялик Диллиан Уайт колумбиялик Оскар Ривасга қарши рингга кўтарилди.

Жангнинг тўққизинчи раундида Ривас кучли аперкот зарбаси ҳисобига рақибини нокдаун ҳолатига тушириб қўйди. Лекин муваффақиятини ривожлантира олмади. Уайт эса сўнгги икки раундни ёрқин ўтказди.

Ўн икки раунд тўлиқ давом этган жанг якунида ҳакамлар мезбон боксчининг ғалабасини таъминлашди - 116-111, 115-112, 115-112. Вақтинчалик WBC чемпионлик камарини қўлга киритган Диллиан ушбу титулнинг тўлақонли эгаси америкалик Деонтей Уайлдерга қарши рингга чиқиш имкониятига ҳам эга бўлди.