10 ноя 09:27
Янгиликлар
Бокс/ММА
WBC россиялик боксчиларни рейтингдан чиқариб ташлади
Бутунжаҳон бокс кенгаши (WВC) президенти Маурисио Сулаймон россиялик ва беларуслик спортчилар ташкилот рейтингидан четлатилишини маълум қилди.
"Россия ва Беларуснинг барча боксчилари рейтингдан четлаштирилади. WВC бу мамлакатлардаги жангларга санкция қўймайди ва уларнинг фуқаролари WВC унвонлари учун бокс ўтказа олмайди.
Россия ва Беларус спортчилари, промоутерлари ва бокс жамоатчилиги аъзоларидан узр сўрайман, улар бўлган воқеалардан таъсирланиши аниқ", - деди Сулаймон.
Маълум бўлишича, россиялик ва беларуслик боксчилар Россия билан алоқаларига қараб қарорни қайта кўриб чиқиш учун ариза топширишлари мумкин.
Россиялик Артур Бетербиев ярим оғир вазн тоифасида WВC камарига эга. Сулаймон апрель ойида боксчи фаолиятини Канада байроғи остида давом эттириши мумкинлигини, сабаби унинг шу давлат паспорти борлигини айтган эди.
Ҳавола :
Манба : sports.ru
Фикрлар