WBC'нинг янгиланган рейтингида 13 нафар боксчимиз бор: Баҳодир пастлади, Бектемирдан супер кўтарилиш + ПОСТЕР

Бутунжаҳон Бокс уюшмаси август ойи учун янгиланган рейтингни эълон қилди. Мазкур рейтингдан 13 нафар  боксчимиз жой олган бўлиб, уларнинг ўрни билан танишинг:

Оғир вазн: Баҳодир Жалолов ўтган ойдагидан бир поғона пастлаб 21-ўринга жойлаштирилди;

Супер ўрта вазн тоифаси (76,2 кг): Азизбек Абдуғофуров 14-ўрин; Бектемир Мелиқўзиев эса 10 поғона кўтарилиб 29-ўринни банд этди;

Супер ярим ўрта вазн (69,8 кг): Исроил Мадримов 8-ўринда, боксчимиз ўтган ойда 9-поғонада эди;

Ярим ўрта вазн (66,6 кг): Қудратилло Абдуқаҳҳоров 21-поғонада, ўтган ойда 20-ўринга жойлашган эди; Шаҳрам Ғиёсов 24-ўрин;  Жамшидбек Нажмитдинов эса 30-ўриндан бир поғона пастлаб, 32-ўринни эгаллади;

Супер енгил вазн (63,5 кг): Шоҳжаҳон Эргашев 18-ўринда қайд этилди, июл ойида 21-поғонада кўрсатилган эди;

Иккичи ярим енгил вазн (58,9кг): Элнур Абдураимов рейтингга киритилиб 40-ўринга жойлаштирилди;

Ярим енгил вазн (57,1 кг): Отабек Холматов ўтган ойдагидан бир поғона кўтарилиб 36-ўринни эгаллади;

Биринчи ярим енгил вазн (55,3 кг): Исломбек Пирманов 36-ўринга жойлашди;

Енгил вазн (50,8 кг): Олимжон Назаров рейтингга киритилиб 39-поғонада қайд этилди;

Биринчи ўта енгил вазн (48,8 кг): Ҳасанбой Дўсматовнинг поғонаси ўзгаришсиз қолди - 11-ўрин.