WBO Усикни алоҳида унвон билан тақдирлайди

Россиялик икки йўналиш чемпиони бўлиб турган Мурат Гассиевни мағлубиятга учратган Усик ушбу вазндаги барча чемпионлик камарларини ўз қўлида бирлаштирганди. WBO ташкилоти украиналик боксчига WBO суперчемпиони мақомини берди. 

“Овоз бериш жараёни бўлиб ўтди ва Усик энди суперчемпион! У махсус чемпионлик камари билан тақдирланади. Унинг промоутери энди мавжуд қоидаларга кўра WBO ташкилотига мурожаат қилиши ва Усик учун супероғир вазн тоифасидаги ушбу чемпионлик камари учун жанг сўраши мумкин”, - дейилади WBO ташкилоти баёнотида.