World Athletics россиялик ва беларуслик спортчиларни мусобақалардан четлаштириш муддатини узайтирди

Ташкилот 24-25 март кунлари Нанкинда йиғилиш ўтказди.

"Кенгаш Россия ва Беларус спортчиларининг халқаро мусобақаларда иштирок этиши бўйича тавсияни қабул қилди. Кенгаш агар мавжуд шароитлар ёмонлашмаса ёки тинчлик келишувига эришилмаса санкцияларни ўзгартириш, қўшимча киритиш ёки бекор қилиш зарур эмас деб ҳисоблайди", - деди World Athletics президенти Себастьян Коу.

2015 йил ноябрь ойида World Athletics Россия енгил атлетика федерациясини (ВФЛА) допинг можароси сабабли вақтинчалик аъзоликдан маҳрум қилган. Кейинчалик бу тақиқ бир неча бор узайтирилган.

2023 йил март ойида World Athletics кенгаши ВФЛАнинг тўлиқ мақомини тиклашга рози бўлган, аммо Россия ва Беларус спортчиларининг мусобақаларда қатнашиши номаълум муддатга таъқиқланган.