World Boxing россиялик боксчиларга байроқ ва мадҳия остида турнирларда қатнашишга рухсат берди

"Россия бокси жаҳон аренасига қайтмоқда. World Boxing спортчиларимизга барча ёш тоифаларида халқаро мусобақаларда миллий байроқ ва мадҳия остида қатнашишга рухсат берди. Россия бокс федерацияси 2026 йил бошида World Boxing аъзолигига қабул қилинган эди.

Спорт алоқаларини тиклаш масаласини 2026 йил январ ойида Тошкентда бўлиб ўтган учрашувда World Boxing, Қозоғистон Миллий олимпия қўмитаси раҳбари Геннадий Головкин билан муҳокама қилган эдик.

Халқаро федерациянинг бу қарори жуда муҳим, чунки айнан World Boxing Халқаро олимпия қўмитаси томонидан бокс бўйича Олимпия турнирини ўтказиш ваколатига эга. Россия бокс федерациясининг World Boxing ташкилотига тўлақонли аъзо бўлиши россиялик боксчилар учун халқаро тақвимда, шу жумладан Олимпия циклида тўлиқ иштирок этиш йўлини очади", — деб ёзди Дегтярев ўзининг Телеграм-каналида.