WTA рейтинги. Топ-50 ўзгаришсиз, теннис маликаларимиздан фақат бири кўтарилди

Янгиланган рейтингда Россиядан маҳаллийлаштирилган теннис маликаларимиз Камилла Раҳимова, Полина Кудерметова ва Мария Тимофеева бу сафар ҳам ўтган ҳафтадаги ўринларини ўзгаришсиз сақлаб қолишди.

Ўзбекистоннинг биринчи ракеткаси Камилла Раҳимова 97, Полина Кудерметова 104, Мария Тимофеева 143-ўринни эгаллаб турибди. Бу ҳафта теннисчиларимиздан биргина Севиль Юлдашева икки поғонага кўтарилган. Қолган беш нафар теннисчимиз рейтингда пастлашди. Тўртинчи ракеткамиз Литвадан маҳаллийлаштирилган Лайма Владсон 1, Влада Якшибарова 2, Милана Масленкова 2, Нигина Абдураимова 2, Диана Яковлева 3 поғонага пастлади. 

Дунё теннисчиларининг Топ-50`талигида ҳам бу ҳафта ҳеч қандай ўзгариш кузатилмади. Рейтингда ҳамон беларуслик Арина Соболенко катта фарқ билан пешқадамлик қилмоқда. У 2025 йилни сайёрамизнинг биринчи ракеткаси сифатида якунлади. Иккинчи ўриндан польшалик Ига Свёнтек жой олган бўлса, кучли учликка америкалик Коко Гофф якун ясаган. 

WTA рейтинги. 31 декабрь кунги ҳолат:

1. (1) Арина Соболенко (Беларусь) - 10870 очко

2. (2) Ига Швёнтек (Польша) - 8395

3. (3) Коко Гофф (АҚШ) - 6763

4. (4) Аманда Анисимова (АҚШ) - 6287

5. (5) Елена Рибакина (Қозоғистон) - 5850

6. (6) Жессика Пегула (АҚШ) - 5583

7. (7) Мэдисон Киз (АҚШ) - 4335

8. (8) Жасмин Паолини (Италия) - 4325

9. (9) Мирра Андреева (Россия) - 4319

10. (10) Екатерина Александрова (Россия) - 3375...

Ўзбекистонлик теннисчиларнинг WTA рейтингидаги ўрни:

97 (97). Камилла Раҳимова – 802

104 (104). Полина Кудерметова – 759

143 (143). Мария Тимофеева – 513

880 (879). Лайма Владсон – 30

1070 (1068). Влада Якшибарова – 16  

1194 (1192). Милана Масленкова – 11 

1272 (1274). Севиль Юлдашева – 8

1322 (1320). Нигина Абдураимова – 7  

1478 (1475). Диана Яковлева – 3