WTA Якуний турнири. Мугурусанинг финалдаги рақибаси маълум

Бироз аввал мусобақанинг иккинчи ярим финал учрашуви ўтказилиб, Гарбин Мугурусанинг бош соврин учун баҳсдаги рақибаси маълум бўлди. WTA рейтингида 8-ўринни эгаллаб турган эстониялик Анетт Контавейт сайёрамизнинг олтинчи рақамли теннис маликаси, грециялик Мария Саккарига қарши кортга чиқди. 

Икки соату тўрт дақиқа давом этган учрашувда Контавейт 6/1, 3/6, 6/3 ҳисобларида ғалаба қозониб, финал чиптасини қўлга киритди. Унинг бош соврин учун кечадиган баҳсдаги рақибаси испаниялик Гарбин Мугуруса бўлади.