Хабиб букмекерлар ҳақида: «Бу алкоголдан ҳам хавфлироқ. Улар бутун оилаларни йўқ қилади»

«Бизда етарлича яхши ҳомийлар бор, улар билан турнирлар ўтказишимиз мумкин. Бизга букмекерлар керак эмас. Менимча, бу алкоголдан ҳам хавфлироқ. Бу спиртли ичимликларни реклама қилишдан ҳам ёмонроқ, чунки букмекерлар бутун оилаларни бузади. Сиз ўзингиз биласиз, қанча оилалар бор, бу платформага ёш йигитлар киради, қарам бўлиб қолади. Бу қимор - қандай кучли касаллик эканлигини биласиз. Бу гиёҳвандлик билан бир хил.

Дори реклама қилсам ҳам худди шундай. Мен учун қимор ва гиёҳвандлик бир хил даражада. Ҳаммаси гиёҳвандлик», - деди Нурмагомедов.