Хабиб Камару Усманнинг мағлубиятига муносабат билдирди

Жанг якунланишига 55 сония қолган бир паллада Леон чап оёқда берган кучли ва аниқ зарбаси эвазига Усманни "ухлатиб" қўйганди. Нокаутга қадар Камару раундлар бўйича 3:1 ҳисобида ғалаба қозонаётганди. Хабиб Нурмагомедов Усманнинг кутилмаган мағлубиятига ўз муносабатини билдирди.

"Очиғи, мен хайрон қолдим. Тўғрисини айтсам, жуда хафа бўлдим. Чунки, Камару билан жуда яқин дўстмиз, муносабатларимиз ҳам яхши. Дунёнинг энг кучли жангчиларидан бирининг жанг якунланишига қандайдир 50 сония вақт қолганда чуқур нокаутга учрашини томоша қилиш жуда оғир бўлди. Ҳамма сингари мен ҳам жангда Усман очколар ҳисобига кўра ғалаба қозонса керак деб ўйлагандим. Воқеалар ривожи шунга қараб кетаётган эди. Ўзингиз кўрдингиз, бир сонияга диққат-эътиборни йўқотиш қандай ёмон оқибатларга олиб келади. Бу - ММА!", - деди Нурмагомедов.   

Хабиб Нурмагомедов шунингдек, Усман ва Эдвардс ўртасидаги трилогия ҳақидаги саволга ҳам жавоб берди. 

"Билишимча, ҳозир учинчи жанг устида ишлашяпти. Трилогияда Усманнинг имкониятини юқори баҳолайман. Лекин бир нарсани унутмаслик керак, бундай нокаутдан кейин ўзига келиб олиш ҳар қандай кучли жангчига ҳам осон бўлмайди.