01 мар 08:23
Янгиликлар
Бокс/ММА
Хабиб Махачевга: "Камарни уйга қайтариш вақти келди"
Собиқ UFC чемпиони Хабиб Нурмагомедов ватандоши Ислам Махачевнинг Бобби Грин устидан қозонган ғалабаси ҳақида фикр билдирди.
"Сен катта ишни амалга оширдинг, ука. Чемпионлик камари учун илк даъвогар сенсан ва менимча, енгил вазнда дунёда сенга етадигани йўқ.
Одамлар ҳар нарсани гапираверади, аммо мен анчадан буён шу спорт тури ичидаман ва нима деяётганимни яхши биламан. Сенинг меҳнатинг, интизоминг, тезкорлигинг - яқин орада ўз мевасини беради. Камарни уйга қайтариш вақти келди", - деб ёзган Хабиб ўз Инстаграм саҳифасида.
Эслатиб ўтамиз, Махачев якшанба тонгида Гринни биринчи раунднинг ўзида техник нокаутга учратган эди. Бу Ислам учун аралаш яккакурашлардаги 22-ғалаба бўлди.
Шунингдек, Махачев ҳисобида бир мағлубият ҳам бор. Бу мағлубият 2015 йилда бразилиялик Адриано Мартинсдан қабул қилиб олинган. Ўшанда Мартинс Исламни биринчи раундда нокаутга учратган эди.
Ҳавола :
Манба : championat.com
Фикрлар