09 сен 11:01
Янгиликлар

Бокс/ММА

Хабиб Нурмагомедов: 35 ёшдан кейин мени октагонда кўрмайсиз

Енгил вазнда UFC чемпиони Хабиб Нурмагомедов (28-0) Матч ТВ телеканалида меҳмон бўлди.

Табиийки, доғистонлик чемпион кўрсатув давомида кўплаб саволларга жавоб берди. Хусусан, келгуси режалари билан ҳам ўртоқлашди.

“Ўзимни 35 ёшдан кейин ММА оламида кўрмаяпман. 34 ёшга чидаса бўлади. Лекин ундан кейин пик, яъни юқори спорт формасида бўлмайсиз. Айниқса, UFCда бу ёшда жанг ўтказиш жуда мушкул. Ўрта вазн тоифасида тайинли натижага эришган 35 ёш ва ундан катта жангчини эслай олмаяпман. Инсон организми кўтара олмайдиган юкламани мажбуран бериш яхшиликка олиб келмайди", - деди Нурмагомедов.