Хабиб Нурмагомедов фаолиятидаги энг қийин жангни айтди

"Психологик жиҳатдан энг қийин жанг Конор билан бўлган, аммо ундан кейин Гэтжига қарши кечган жангим янада оғирроқ кечганди. Биринчи навбатда, отамдан айрилганим сабабли ўзимни қўлга олиш қийин эди. Ҳаммаси бир жойга тўпланди. Отам ҳаётдан кўз юмди, тайёргарлик эса у кишисиз, яъни мен ким учун шуғулланган ва чемпион бўлишни истаган инсоним йўқлигида ўтди.

Машғулотлар лагерининг ўзи — жароҳат кетидан жароҳат. Ҳеч ким бу охирги жанг эканлигини билмасди. Мен эса ўзим учун бу ерда якунлашим кераклигини билардим. Буларнинг барчасидан ўтиш, агар яна жароҳат олганимда, жуда оғир бўларди", — деди Нурмагомедов.

Эслатиб ўтамиз, 2020 йилда Хабиб Жастин Гэтжини сабмишен (бўғиш) усули билан мағлуб этган ва шундан сўнг спорт фаолиятини якунлаганини эълон қилган эди.