28 июн 18:30
Янгиликлар

Бокс/ММА, Футбол

Хабиб Нурмагомедов ЖЧ-2026 плей-офф босқичида ҳайратда қолдириши мумкин бўлган жамоаларни айтди

Россиялик 37 ёшли UFC шон-шуҳрат зали аъзоси, енгил вазнда собиқ UFC чемпиони Хабиб Нурмагомедов ЖЧ-2026 плей-офф босқичида шов-шув кўтариши мумкин бўлган давлатларни санаб берди.

"Албатта, плей-оффда ҳаммаси жуда қизиқарли. Япония, Колумбия, Сенегал, Марокаш. Бу жамоалар чиндан ҳам бизни ҳайратда қолдириши мумкин. Ҳар ҳолда мен шундай бўлишини тахмин қиляпман", - деб ёзди Нурмагомедов ўзининг Телеграм-каналида.

Маълумот учун, 1/16 финалда Марокаш - Нидерландия, Япония - Бразилия, Колумбия - Гана, Сенегал - Бельгия жуфтликлари ўзаро ҳисоб-китоб қилади. 2022 йилда Аргентина терма жамоаси Францияни мағлуб этиб, жаҳон чемпиони бўлган эди.