Хабиб Нурмагомедов самолётдан тушириб юборилганига изоҳ берди + ФОТО

Хабиб Лас-Вегасдан Сан-Франциско шаҳрига учаётган бўлган. 

"Биринчи навбатда бир нарсага ойдинлик киритиб кетишим керак, бу Frontier Airlines авиакомпаниясига қарашли самолёт эди, Alaska airline эмас. Мен билан суҳбатга киришган аёл аввалбошдан қўпол муомалада бўлди. Бераётган саволлари жуда ҳам қўпол оҳангда эди. Инглиз тилини билиш даражам ёмон эмас. Ҳамма гапни тушунаман. Шунга қарамай, ўзини гапини маъқуллаб тураверди. У мени жойимни ўзгартиришимни талаб қилди. Унинг бундай қилишга нима ҳаққи бор эди? Бу ирқийми, миллийми ёки бошқа масала эдими? Буни аниқ айта олмайман. Узоқ давом этган баҳсдан кейин у хавфсизлик ходимини чақирди ва мени самолётда туширишди. Бир ярим соатдан кейин мен бошқа рейс билан манзилимга етиб олдим. Шовқин кўтармаслик, хотиржамликни сақлаш, провокацияга берилмаслик учун керагидан ортиқ ҳаракат қилдим. Ўйлашимча, одамлар кўпроқ хушмуомалада бўлаверишлари керак", — дея изоҳ қолдирди Нурмагомедов ўзининг Инстаграмдаги саҳифасида.