Хабиб секундант бўлган жангда Нурмагомедов UFCда дебют қилди

Оқшомнинг қизиқарли жангларидан бирида Хабиб Нурмагомедовнинг амакиваччаси Абубакар Нурмагомедов UFCда дебют қилди. Лекин бу дебют омадсиз чиқди. Абубакар германиялик Давид Завадага ютқазиб қўйди. Ярим ўрта вазн тоифасида ўтган жангнинг 2 дақиқаси 50-сониясида Завада партерда ушлаш, бўғиш усули билан Абубакарни таслим этди. 

Таъкидлаш жоиз, UFC чемпиони Хабиб Нурмагомедов ушбу жангда Абубакарга секундантлик қилди. Нурмагомедов 2011 йил MMAда илк жангини ўтказган эди. У жами 18 та жангда октагонга чиқиб, 15 ғалаба, бир дуранг ва 2 мағлубият қайд этган. Завада эса 17-ғалабасига эришди. Унинг ҳисобида 5 та мағлубият бор.